Tera naam hai

Asmaanon mein bhi tera naam hai
Kaynat mein bhi tere nishaan hai
Andheron mein roshan sa armaan hai
Umeedon ke paar tera jahan hai

Tum keh gaye, tum aaoge
Mere dard ko mitaoge
Tum keh gaye tum aaoge
Sang apne le jaaoge


Tute kandhoko bhi tu sambhaale
Bikhare khushiyon ko bhi tu nihare
Pighalte umeedon ko bhi tu bachaye
Gumraahon ko raah bataye

Tum keh gaye, tum aaoge
Apne rooh ko hum tak pahunchaoge
Tum keh gaye, tum aaoge
Apne raah par tum chalaoge


Ibadaton mein bhi tera naam hai
Duaaon mein bhi tera naam hai
Ishwar, Allah ya phir Ram hai
Mazhabon mein bhi tera naam hai

Tum keh gaye, tum aaoge
Hum sabko tum bachaoge
Tum keh gaye, tum aaoge
Nafraton ko tum mitaoge